Ramil Məmmədli-Qızım sənsizlik
Alışmışdı əllərim ,
tellərini öpməyə
İndi tənha əllərim
yellənir yetim kimi
Yanımdakı çarpayın
qalıb sükut içində
Yerinə gülən şəklin
asılıbdı divardan
Qızım dözə bilmirəm
qayıt evə birazdan
Evimizin hər yanı
çizib sənin rəsmini
Sındırıbdı gedişin
ailəmizin qəddini
Yoxa çəkib tanrı da
əvvəl olan səbrini
Qızım çıxart səsini
biz eşidək yavaşdan
daha dözə bilmirik
evə qayıt bir azdan
Həyətin hər bucagı
hazırdı pişvazına
Öyrəşmişdi çiçəklər
Sənin işvə nazına
Yenə məktəb başlayır
çantan həsrət içində
Kitab,qələm,dəftərin
Qalıb zülmət içində
Sən gedəni yay idi
İndi isə payızdı
Qızım sevindir bizi
Evə qayıt birazdan.....
evə qayıt birazdan....
Çox kovreldim😔
YanıtlaSil👍